• बुधबार १-५-२०८१/Wednesday 04-17-2024

काठमाण्डौ महानगरले विभिन्न ठाउँहरूको प्राचीन नाम प्रचलनमा ल्याउँदै

काठमाण्डौ । काठमाण्डौ महानगरपालिकाले विभिन्न ठाउँहरूको प्राचीन नाम पुनरुत्थान गरेर प्रचलनमा ल्याउने प्रक्रिया सुरु गरेको छ ।

 

काठमाण्डौ महानगरको सम्पदा तथा पर्यटन समितिका संयोजक आशामान सङ्कतले धार्मिक, सांस्कृतिक र ऐतिहासिक महत्त्व भएका टोल, बस्ती, मठमन्दिर, वहाल, ढुङ्गे धारा, सत्तल, पाटीहरूको प्राचीन नाम खोज्ने, संस्कृतिविद्, पुरातत्त्वविद्, भाषाविद् तथा इतिहासविद्हरूसँग नाम पुष्टि गर्ने काम पूरा गरेकोे जानकारी दिनुभयो ।

 

महानगरपालिकाको सम्पदा तथा पर्यटन विभागले एकीकृत सहरी विकास केन्द्रसँगको सहकार्यका विभिन्न ठाउँहरूको प्राचीन नाम अध्ययन गरेको हो । अध्ययनका क्रममा ७० वर्षभन्दा बढी उमेरका बासिन्दाले ठाउँको प्राचीन नाम उच्चारण गर्ने गरेको पाएको महानगरपालिकाले जनाएको छ । केही नामहरू अप्रभंश भएका छन् भने केहीको नामहरू नेपालीकरण र अङ्ग्रेजीकरण पनि भएका छन् ।

 

सांस्कृतिक सहरको नाम मेटिने गरी ठाउँको नयाँ नामाकरण भएपछि नामबाट झल्किने सहरको सांस्कृतिक, ऐतिहासिक र पुरातात्त्विक पहिचान मेटिँदै गएकोले प्राचीन नाम खोजी गरेको उहाँले बताउनुभयो । अहिले प्रचलनमा रहेका नाम र प्राचीन नाम फरक हुने भएकोले अब प्राचीन नाम प्रयोगका लागि स्थानीय समुदायसँग अनुरोध गर्ने संयोजकसङ्कतको भनाइ छ ।
 

प्रतिकृया दिनुहोस

चितवन राष्ट्रिय निकुञ्जमा गैँडाको आक्रमणबाट गाइडको मृत्यु

काठमाण्डौ। चितवन राष्ट्रिय निकुञ्जमा पर्यटक घुमाउन गएका नेचर गाइडको गैँडाको आक्रमणबाट मृत्यु भएको छ । आज (शनिबार) बिहान ११ः५० बजे चितवन राष्ट्रिय

नागरिक उन्मुक्ति पार्टीकी सुदूरपश्चिम प्रदेश सांसद इन्दिरा गिरीलाई फिर्ता बोलायो

काठमाण्डौ । पार्टीभित्रको विवादका कारण नागरिक उन्मुक्ति पार्टीले सुदूरपश्चिम प्रदेश सभाकी समानुपातिक सांसद इन्दिरा गिरीलाई फिर्ता बोलाएको छ

गण्डकीको मुख्यमन्त्रीमा एमालेका खगराज अधिकारी नियुक्त

काठमाण्डौ । गण्डकी प्रदेश सरकारको मुख्यमन्त्रीमा नेकपा (एमाले) का गण्डकी प्रदेश सभा संसदीय दलका नेता खगराज अधिकारी नियुक्त हुनुभएको छ । प्रदेश प्रमुख