काठमाण्डौ । महिला मानव अधिकार सम्बन्धी बेइजिङ प्लस ३० का लागि नेपालको आदिवासी जनजाति महिलाहरूको पक्षबाट राष्ट्रिय स्तरको एक दिवसीय समीक्षा कार्यशाला गोष्टी सम्पन्न भएको छ । संघीय राजधानी काठमाण्डौको एपेक्स बिजनेस होटलस्थित आज (आईतबार) राष्ट्रिय आदिबासी जनजाति महिला मञ्चले उक्त कार्यक्रमको आयोजना गरेको थियो ।

बेइजिङ प्लस ३० ले सन् १९९५ मा बेइजिङमा आयोजित चौथो विश्व महिला सम्मेलनको ३०औँ वार्षिकोत्सवलाई जनाउँदछ । बेइजिङमा आयोजित चौथो विश्व महिला सम्मेलनबाट सार्वजनिक गरिएको बेइजिङ घोषणा पत्र १९९५ मा शिक्षा, स्वास्थ्य, महिला विरुद्धको हिंसा, आर्थिक सहभागिता र राजनीतिक प्रतिनिधित्व लगायत १२ प्रमुख सवालको क्षेत्रहरूमा महिला अधिकारलाई अगाडि बढाउने र लैङ्गिक समानता हासिल गर्न व्यापक प्रतिवद्धताहरू रेखांकित गरेको छ ।

सुनी लामाको अध्यक्षतामा सम्पन्न भएको उक्त कार्यक्रममा सन् २०२५ मा बेइजिङ प्लस ३० को ३० औं वार्षिकोत्सवको नजिक पुग्दै गर्दा, बेइजिङ घोषणा पत्रको प्रगतिको समीक्षा गर्दै कार्यान्वयनको क्रममा आदिबासी जनजाति महिलाहरुको सवालमा सम्बोधन भए नभएको बारेमा छलफल भएको थियो । छलफलको क्रममा सहभागीहरुको तर्फबाट बेइजिङ प्लस ३० को कार्यान्वयनको क्रममा भएका चुनौती र केही नयाँ सवालहरुका विषय सिफारिषका लागी उठान भएको थियो । कार्यशाला गोष्ठीमा विशेष गरि ३ वटा प्रमुख क्षेत्रहरू जस्तै:  महिला र वातावरण, महिला विरुद्धको हिंसा, शक्ति संरचना र निर्णय तहमा महिलाको विषयमा आधारित रहेर छलफल भएको थियो ।

अध्यक्ष सुनी लामाले कार्यक्रमबारे प्रकाश पार्ने क्रममा राष्ट्रिय आदिबासी जनजाति महिला मञ्चले २६ बर्षको अन्तरालमा स्थानिय स्तर देखी निति निर्माणको तहसम्म आदिवासी जनजाति महिलाहरुको क्षेत्रमा गरेका विभिन्न कामहरुको बारेमा समेत बताए । मञ्चका कार्यकारी निर्देशक द्वारिका थेबेले सहजिकरण गरेको छलफल कार्यक्रममा इन्टरनेशनल फण्डर्स फर इन्डिजिनियस पिपुल्स (आइफआइपी) का कार्यक्रम निर्देशक चन्दा थापा मगरले कार्यपत्र प्रस्तुत गरेका थिए ।

कार्यपत्र प्रस्तुत गर्ने क्रममा थापा मगरले बेइजिङ घोषणा पत्रको १२ वटा प्रमुख सवालहरुको बारेमा जानकारी गराउनुका साथैं नेपाल सरकारको राष्ट्रिय समिक्षा प्रतिवेदनमाथि गरिएको डेस्क रिभ्युबाट पाईएका ग्यापहरुबारे समेत जानकारी गराएका थिए । छलफल कार्यक्रममा आदिबासी महिला तथा किशोरीहरुको अधिकार क्षेत्रमा काम गरिरहेका सामाजिक संघ संस्थाका प्रतिनिधीहरु, आदिबासी महिला नेतृत्व तथा अभियन्ताहरु, सम्बन्धित विषय विज्ञ तथा प्राज्ञिक व्यक्तिहरुलगायत नेपालको विभिन्न क्षेत्रबाट करिब ६० जना भन्दा बढी आदिबासी महिलाहरुको सहभागिता रहेको थियो ।

अमेरिकाको नर्थक्यारोलिनामा पहिलो नेपाली पुस्तकालय ‘आरम्भ’ स्थापना

काठमाण्डौ । अमेरिकाको नर्थक्यारोलिनामा नेपालीहरूले पहिलो पटक नेपाली पुस्तकालय खोलेका छन् । नेपाली भाषा साहित्यको संरक्षणको लागी अमेरिकाको

भौतिक पूर्वाधारसँगै मानवीय विकासलाई प्राथमिकतामा राख्न पूर्व राष्ट्रपति भण्डारीको सुझाव

भक्तपुर । पूर्व राष्ट्रपति विद्यादेवी भण्डारीले भौतिक पूर्वाधारसँगै मानवीय विकासलाई प्राथमिकताकासाथ अगाडि लैजान जनप्रतिनिधिहरूलाई सुझाव

देशका धेरै ठाउँमा गएरातिदेखि नै ठूलो वर्षा, भोलिसम्मै पानी पर्ने : सतर्कता अपनाउन आग्रह

काठमाण्डौ – काठमाण्डौ उपत्यकासहित देशका धेरै ठाउँमा गएरातिदेखि ठूलो पानी परिरहेको छ । मनसुनको न्यून चापीय रेखा नेपालतर्फ सर्ने क्रममा रहेकाले