सरकारले १० जिल्लाका गर्भवती र सुत्केरीलाई ‘एमएमएस
![](https://sambadonline.com/uploads/news/images/47704476Screenshot-2024-05-03-090335.png)
काठमाण्डौ । सरकारले अब गर्भवती र सुत्केरीलाई बहुसूक्ष्म पोषण तत्व मल्टिपल माइक्रोन्युट्रियन्ट सप्लिमेन्टेसन–एम एम एस उपलब्ध गराउने भएको छ । हालसम्म सरकारले गर्भवती र सुत्केरीलाई आइरन फोलिक एसिड र भिटामिन ‘ए’ मात्र उपलब्ध गराउँदै आएको थियो । हेलेन केलर इन्टरनेसनल र युनिसेफको सहयोगमा नेपालले यस्तो पोषक तत्व वितरण गर्न लागेको स्वास्थ्य सेवा विभाग परिवार कल्याण महाशाखाले जनाएको छ ।
१५ थरीका पोषक तत्त्वयुक्त यो चक्की देशैभरिका गर्भवती र सुत्केरीलाई दिन मिल्ने भए पनि पहिलो चरणमा १० जिल्लामा मात्र वितरण गर्न लागिएको परिवार कल्याण महाशाखाले जनाएको छ । महाशाखा प्रमुख डा ः विवेककुमार लालका अनुसार पहिलो चरणमा प्रभावकारिता अध्ययनका लागि लुम्बिनी प्रदेशका १० जिल्ला रूपन्देही, अर्घाखाँची, नवलपरासी, कपिलवस्तु, दाङ, बर्दिया, प्युठान, रोल्पा, रुकुम र बाँकेमा यो चक्की वितरण गरिनेछ । कहिलेदेखि वितरण गर्नेबारे गृहकार्य भइरहेको उँहाले बताउनुभयो ।
छिमेकी देशहरू भारत, पाकिस्तान र बंगलादेशले गर्भवती र सुत्केरीलाई सूक्ष्म पोषक तत्त्व उपलब्ध गराउँदै आएको छ । यसका लागि गर्भ जाँचका लागि स्वास्थ्य संस्थामा पुगेको हुनु पर्नेछ । यो चक्की मधुमेह, पोलिसिस्टिक, डिम्बाशयमा समस्या भएका, थाइराइड, मिर्गौला, उच्च रक्तअल्पता र उच्च जोखिमयुक्त गर्भावस्था भएका महिलालाई दिन नमिल्ने बताउनु भयो ।
सूक्ष्म पोषक तत्वयुक्त चक्कीमा भिटामिन–ए, भिटामिन–बी १२, भिटामिन– डी ३, भिटामिन–सी, भिटामिन–बी १, भिटामिन–बी २, भिटामिन–बी ३, भिटामिन–बी ६, भिटामिन–ई, फोलिक एसिड, आइरन, जिंक, कपर, आयोडिन र सेलेनियम पाइन्छ । भ्रूण विकासमा समेत सहयोग पु¥याउने यो चक्कीले समय नपुगी बच्चा जन्मिने, गर्भमा शिशुको मृत्यु हुने र नवजात शिशु मृत्युको जोखिम पनि कम हुने बताउनुभएको छ ।
![](https://sambadonline.com/uploads/news/images/medium/524526841Screenshot-2024-08-02-121723.png)
कक्षा १२ को नतिजा सार्वजनिक : नियमिततर्फ ५३ दशमलव ९१ प्रतिशत विद्यार्थी उत्तीर्ण
काठमाण्डौ । राष्ट्रिय परीक्षा बोर्डले कक्षा १२ को नतिजा सार्वजनिक गरेको छ । बोर्डले सार्वजनिक गरेको नतिजा अनुसार नियमिततर्फ ५२ दशमलव ९१
![](https://sambadonline.com/uploads/news/images/medium/613607467oli-and-bidya.jpeg)
उच्चशिक्षाका लागि विद्यार्थी विदेशिने क्रमलाई स्वदेशमै सृजना गर्न प्रधानमन्त्रीको आग्रह
काठमाडौं । प्रधानमन्त्री केपी शर्मा ओलीले त्रिभुवन विश्वविद्यालयको पुनः संरचना र पाठ्यक्रममा समयानुकूल परिमार्जन गर्दै उच्चशिक्षाका लागि
![](https://sambadonline.com/uploads/news/images/medium/1870659021Screenshot-2024-07-24-083517.png)
काठमाण्डौ उपत्यकामा सरकारले आजदेखि विशेष पोलियो खोप अभियान शुरु गर्दै
काठमाण्डौ । काठमाण्डौको ढलमा पोलियोको परिवर्तित भाइरस भेटिएपछि सरकारले आजदेखि विशेष पोलियो खोप अभियान शुरु गर्दैछ । अभियानका क्रममा
प्रतिकृया दिनुहोस