१४ वटा परम्परागत व्यापार नाका खोल्न चीन तयार छ : परराष्ट्रमन्त्री श्रेष्ठ
![](https://sambadonline.com/uploads/news/images/1151148421Screenshot-2024-04-01-192456.png)
काठमाण्डौ । उपप्रधान एवम् परराष्ट्रमन्त्री नारायणकाजी श्रेष्ठले कोरोना महामारीका कारण बन्द भएका नेपाल–चीनबीच विद्यमान १४ वटा परम्परागत व्यापार सीमा नाका तत्काल खोल्न चिनियाँ पक्ष तयार भएको बताउनुभएको छ ।
चीनको नौ दिने भ्रमण सकेर आज स्वदेश फर्किनुभएका मन्त्री श्रेष्ठले त्रिभुवन अन्तर्राष्ट्रिय विमानस्थलमा सञ्चारकर्मीसँगको कुराकानीमा रसुवागढी–केरुङ, तातोपानी–झाड्मु, यारी–पुरान तथा नेचुङ–लिची (कोरला) व्यापारिक नाकाहरू यसअघि नै सञ्चालनमा आएका र आफूले चीन भ्रमणका क्रममा नेपाल–चीनबीच विद्यमान १४ वटा परम्परागत व्यापार सीमा नाका खोल्न आग्रह गरेको बताउनुभयो । मन्त्री श्रेष्ठले यो आग्रहलाई चीन पक्षले स्वीकारेको पनि बताउनुभयो । नाका खुला हुँदा चीनको सीमा नजिक बसोबास गर्ने नेपालीको दैनिक जीवन तथा व्यापार व्यवसाय सहज हुने अपेक्षा रहेको उहाँको भनाइ छ ।
मन्त्री श्रेष्ठले नेपाल–चीनबीच विद्यमान मैत्रीपूर्ण सम्बन्धका विविध आयामबारे नियमितरूपमा उच्चस्तरमा छलफल गर्न नेपाल र चीनका परराष्ट्रमन्त्रीस्तरमा एक संयुक्त आयोग गठन गर्न दुवै पक्ष सकारात्मक भएको बताउनुभयो । उहाँले ’बेल्ट एन्ड रोड इनिसिएटिभ’ (बीआरआई) को कार्यान्वयन योजनालाई अन्तिम रूप दिई कार्यान्वयन गर्नेबारे छलफल भएको जानकारी दिनुभयो । यसबाहेक घाँस, तरकारी तथा फलफूललगायतका नेपाली वस्तुहरूको निर्यातमा सहजीकरण गर्न चिनियाँ पक्षलाई अनुरोध गरेको उहाँले बताउनुभयो । नेपालको कृषि क्षेत्रको उत्पादकत्व बढाउनका लागि आवश्यक पुँजी र प्रविधि उपलब्ध गराउन चिनियाँ पक्ष सकारात्मक रहेको श्रेष्ठले जानकारी दिनुभयो ।
परराष्ट्रमन्त्री श्रेष्ठले नेपालको काठमाण्डौ र पोखरा तथा चीनका विभिन्न शहरबीच थप उडान सञ्चालनमा ल्याउन दुवै पक्ष सहमत भएको बताउनुभयो ।
![](https://sambadonline.com/uploads/news/images/medium/1670396499Screenshot-2024-05-19-170640.png)
आज राष्ट्रियसभा बैठकमा प्रधानमन्त्रीसहित गृह, ऊर्जा र संस्कृति पर्यटनमन्त्रीले सदनमा उठेका प्रश्नको जवाफ दिने
काठमाण्डौ । प्रधानमन्त्री केपी शर्मा ओलीले हिजो (बिहीबार) सदनमा उठेका प्रश्नको जवाफ आज सदनमा दिने कार्यसूची रहेको छ । दिउँसो १ बजे बस्ने
![](https://sambadonline.com/uploads/news/images/medium/759279806PM-OLI-li-Photo..jpeg)
नेपालमा समाज बिथोल्ने खालका कुनै पनि आन्दोलन सम्भव छैन : प्रधानमन्त्री ओली
काठमाण्डौ । प्रधानमन्त्री केपी शर्मा ओलीले सकारले देशद्रोही, जनविरोधी र अलोकतान्त्रिक काम नगर्ने भएकाले नेपालमा समाज बिथोल्ने खालका कुनै पनि
![](https://sambadonline.com/uploads/news/images/medium/966907649Screenshot-2024-08-13-200956.png)
प्रधानमन्त्री ओलीसँग नेपालका लागि कतारका राजदूत अन्सारीको भेट
काठमाण्डौ । प्रधानमन्त्री केपी शर्मा ओलीलाई आगामी अक्टोबरमा कतारमा हुने ‘एसियन कोअपरेसन डायलग’ (एसिडी) सम्मेलनमा सहभागी हुन कतारका राजाका
प्रतिकृया दिनुहोस