• बुधबार १-५-२०८१/Wednesday 04-17-2024

राजनीतिक रूपमा आदिवासी जनजाति सचेत हुनुपर्छ : अध्यक्ष शेर्पा

काठमाडौं । नेपाल आदिवासी जनजाति महासंघका अध्यक्ष गेल्जे लामा शेर्पाले आदिवासी जनजाति समुदाय राजनीतिक रूपमा सचेत हुनुपर्ने बताउनुभएको छ । अन्तर्राष्ट्रिय मगर महासंघको आयोजनामा आज (शुक्रबार) काठमाडौँमा सुरु भएको अन्तर्राष्ट्रिय मगर सम्मेलनलाई सम्बोधन गर्दै अध्यक्ष शेर्पाले त्यस्तो बताउनुभएको ।

आफ्नो भाषा, संस्कृति, परम्पराको संरक्षण सँगसँगै राजनीतिक रूपमा पनि आदिवासी जनजाति समुदाय अगाडि बढ्न आवश्यक रहेको अध्यक्ष शेर्पाको भनाइ थियो ।

यस्ता कार्यक्रमहरू आदिवासी जनजातिको बाहुल्य भएको ठाउँमा हुनुपर्ने समेत उहाँको भनाई थियो । 'हाम्रो पहिचान भनेको के हो ? भाषा हो । भाषा मर्न दिनुहुँदैन । भूगोल र जनसङ्ख्याका हिसाबले मगरहरू सबैभन्दा बढी जनसङ्ख्या भएको जाति हो', उहाँले भन्नुभयो, 'ती बाहुल्य भएको थातथलोमा यस्ता कार्यक्रम गर्न सकेमा त्यहाँका मगरहरू पनि उत्साहित हुन्छ र बाहिरका मगरहरूले पनि हाम्रो धर्म, संस्कृति, भाषा, भेषभूषा के रहेछ ? कसरी हाम्रा दाजुभाइहरू बसेको रहेछ भनेर बुझ्न पाउँछ । त्यसकारण मगरहरूको आदिभूमिमा यस्ता कार्यक्रमहरू आयोजना गरिनुपर्छ ।'

मुलुकमा गणतन्त्र ल्याउनका निम्ति मगर समुदायको ठुलो योगदान गरेको भन्दै उहाँले योगदान अनुसार प्रतिफल प्राप्त गर्न नसकेको समेत बताउनुभयो । उहाँले भन्नुभयो, 'नेपालको गणतन्त्र ल्याउनका निम्ति मगरहरूको ठुलो योगदान छ । तर त्यो योगदान अनुसार हामीले प्रतिफल पाएका छैनौँ ।'

आदिवासी समुदाय राजनीतिमा आउनुपर्ने भन्दै उहाँले राजनीतिक रूपमा सचेत हुनैपर्ने बताउनुभयो । राजनीतिले नै डाडु पन्यू ठाउँमा पुग्नु रहेको भन्दै उहाँले त्यो ठाउँमा नपुगेसम्म आदिवासी जनजातिको अधिकार प्राप्त हुन नसक्ने समेत बताउनुभयो ।

अधिकार लेख्ने ठाउँमा पुग्नका निम्ति राजनीतिक रूपमा अगाडि बढ्न आवश्यक रहेको उहाँको भनाइ थियो । 'राजनीतिले विकाससँग जोडिन्छ । विकास गरेपछि जनतासँग जोडिन्छ । जनतासँग जोडिएमा हामी अगाडि बढ्न सक्छौ', उहाँले भन्नुभयो ।

महासंघले जातीय संस्थाहरूसँग समन्वय गरेर आदिवासी जनजातिका मुद्दाहरू अगाडि बढाइरहेको भन्दै उहाँले प्रदेश नम्बर १ को आन्दोलन अहिले अगाडि बढाइरहेको समेत स्मरण गराउनुभयो । आदिवासी जनजातिले आफ्ना मुद्दाहरू उठाइरहनुपर्ने भन्दै उहाँले निरन्तरको प्रयासले सफलता प्राप्त हुने समेत बताउनुभयो ।

प्रतिकृया दिनुहोस

आज रामनवमी पर्व मनाइँदै, आज सार्वजनिक बिदा

काठमाण्डौ ।  हिन्दू धर्मावलम्बीले श्रद्धापूर्वक रामको पूजा गरेर आज रामनवमी पर्व मनाइँदैछ । त्रेतायुगमा आजकै दिन अयोध्यामा श्रीरामको जन्म भएको

आज चैते दशैँ मनाइँदै, गण्डकी प्रदेशमा सार्वजनिक बिदा

काठमाण्डाै । आज चैते दशैँ पर्व मनाइँदैछ । चैते दशैँमा अष्टमी र नवमीलाई विशेष महत्त्वका साथ मनाउने गरिन्छ ।   आज देशभरका शक्तिपीठ एवम् देवीका

नागढुङ्गा–सिस्नेखोला सुरुङमार्गको मुख्य सुरुङ ‘ब्रेक थ्रु’

काठमाण्डाै – नागढुङ्गा–सिस्नेखोला सुरुङमार्गको मुख्य सुरुङ 'ब्रेक थ्रु' अर्थात् छिचोलिएको छ । प्रधानमन्त्री पुष्पकमल दाहाल प्रचण्डको