एमालेले मात्रै देशको सङ्कट पार लगाउन सक्ने : एमाले महासचिव पोखरेल

संवाद अनलाइन
७ श्रावण, २०८०

काठमाण्डौ । एमालेले मात्रै देशको सङ्कट पार लगाउन सक्ने नेकपा एमालेका महासचिव शङ्कर पोखरलेले बताउनु भएको छ ।

आज रामेछापमा पार्टीले आयोजना गरेको नेकपाका संस्थापक महासचिव पुष्पलाल श्रेष्ठको ४५औँ स्मृति दिवसमा कार्यक्रममा उहाँले यस्तो बताउनु भएको हो । उहाँले देशमा धेरै दल आवश्यक नरहेको बताउनुभएको छ । अहिले भएका दललाई बलिया बनाउनुपर्ने उल्लेख गर्नुहुँदै उहाँले देश विकासका लागि बलियो राजनीतिक शक्ति बनाउन आवश्यक रहेको बताउनुभयो ।

महासचिव पोखरेलले बिपीले काँग्रेस एक्लै निरङ्कुशता विरुद्ध लड्न चाहेको भए पनि पुष्पलालले संयुक्त आन्दोलन गरौँ भनेको उल्लेख गर्नुहुँदै पुष्पलालकै नीतिमा काँग्रेस पुगेको र संयुक्त जनआन्दोलनको माध्यमबाट पञ्चायतको अन्त्य भएको बताउनुभयो ।