सहकारी ठगीमा मुछिएका जीबी राईलाई यसअघिको सरकारले भगाएको गृहमन्त्री लामिछानेको आरोप
![](https://sambadonline.com/uploads/news/images/975000448Screenshot-2024-03-28-120917.png)
काठमाण्डौ । उपप्रधान तथा गृहमन्त्री रवि लामिछानेले सहकारी ठगीमा मुछिएका जीबी राईलाई यसअघिको सरकारले भगाएको आरोप लगाउनुभएको छ । चितवनमा आज बिहान पत्रकारसँगको कुराकानीमा उहाँले भगाएको मानिस खोज्न समय लाग्ने प्रतिक्रिया दिनुभयो ।
राईलाई कसले भगाएको हो रु भन्ने प्रश्नमा लामिछानेले भाग्दाखेरी सरकारमा को थियो रु भनेर प्रतिप्रश्न गर्नुभएको छ । उहाँले राईलाई पक्राउ गर्न आवश्यक केही प्रक्रिया पूरा गर्नुपर्ने बाध्यता भएकोले समय लागेको बताउनुभएको छ । राई बुटवलको सुप्रिम बचत तथा ऋण सहकारी र पोखराको सूर्यदर्शन सहकारीको रकम हिनामिना प्रकरणमा मुछिएका छन् । उनी मलेसियामा रहेको भनिएको छ ।
मलेसियाका गृहमन्त्रीसँग आफ्नो कुरा भएको मन्त्री लामिछानेको दाबी छ । मलेसियासँग सुपुर्दगी सन्धी नभएकाले पक्राउ गर्न र स्वदेश ल्याउन कठिन भएको उहाँले बताउनुभएको छ ।
गृहमन्त्री एवम् राष्ट्रिय स्वतन्त्र पार्टीका सभापति लामिछानेले संसदमा बोल्ने आफ्नो अधिकारको हनन् भएको टिप्पणी पनि गर्नुभएको छ । आफूमाथि लागेको आरोप प्रमाणित गर्न पनि उहाँको चुनौती छ ।
गृहमन्त्री लामिछाने समेत जोडिएको भनिएको सहकारीको रकम हिनामिना प्रकरणमा संसदीय छानबिन समिति नबनाएसम्म संसदको अवरोध कायमै राख्ने प्रमुख प्रतिपक्ष दल कांग्रेसले अडान राख्दै आएको छ । संसदीय छानबिन समिति गठनका विषयमा सत्तापक्ष र प्रतिपक्षबीच सहमति नहुँदा हिजोदेखि शुरु भएको संघीय संसद्को बजेट अधिवेशन पहिलो दिन प्रभावित भएको छ ।
![](https://sambadonline.com/uploads/news/images/medium/2107060869Screenshot-2024-07-22-070043.png)
कम्युनिष्ट पार्टीका संस्थापक महासचिव पुष्पलालको ४६औँ स्मृति आज
काठमाण्डौ । नेपाल कम्युनिष्ट पार्टीका संस्थापक महासचिव पुष्पलालको ४६ औँ स्मृति दिवस आज विभिन्न कार्यक्रम गरी मनाइँदै छ। नेपाल कम्युनिष्ट
![](https://sambadonline.com/uploads/news/images/medium/1497532474Screenshot-2024-07-17-192054.png)
प्रधानमन्त्री ओलीलाई दुई तिहाइ सांसदको विश्वास
काठमाण्डौ । प्रधानमन्त्री केपी शर्मा ओलीले विश्वासको मत पाउनुभएको छ । प्रतिनिधिसभामा आज भएको मतदानमा उहाँको पक्षमा दुईतिहाइ सांसदले भोट हानेका
![](https://sambadonline.com/uploads/news/images/medium/816550450Screenshot-2024-07-21-132930.png)
प्रधानमन्त्री ओलीले विश्वासको मत लिँदै (प्रत्यक्ष प्रसारण)
काठमाण्डौ। प्रधानमन्त्री केपी शर्मा ओलीले विश्वासको मत लिने कार्यसूचीसहित प्रतिनिधिसभा बैठक सुरू भएको छ । कांग्रेसको समर्थनमा असार ३० गते
प्रतिकृया दिनुहोस