• मंगलबार ३-१२-२०८१/Tuesday 06-25-2024

सरकारले १० जिल्लाका गर्भवती र सुत्केरीलाई ‘एमएमएस

काठमाण्डौ । सरकारले अब गर्भवती र सुत्केरीलाई बहुसूक्ष्म पोषण तत्व मल्टिपल माइक्रोन्युट्रियन्ट सप्लिमेन्टेसन–एम एम एस उपलब्ध गराउने भएको छ । हालसम्म सरकारले गर्भवती र सुत्केरीलाई आइरन फोलिक एसिड र भिटामिन ‘ए’ मात्र उपलब्ध गराउँदै आएको थियो । हेलेन केलर इन्टरनेसनल र युनिसेफको सहयोगमा नेपालले यस्तो पोषक तत्व वितरण गर्न लागेको स्वास्थ्य सेवा विभाग परिवार कल्याण महाशाखाले जनाएको छ ।

 

१५ थरीका पोषक तत्त्वयुक्त यो चक्की देशैभरिका गर्भवती र सुत्केरीलाई दिन मिल्ने भए पनि पहिलो चरणमा १० जिल्लामा मात्र वितरण गर्न लागिएको परिवार कल्याण महाशाखाले जनाएको छ । महाशाखा प्रमुख डा ः विवेककुमार लालका अनुसार पहिलो चरणमा प्रभावकारिता अध्ययनका लागि लुम्बिनी प्रदेशका १० जिल्ला रूपन्देही, अर्घाखाँची, नवलपरासी, कपिलवस्तु, दाङ, बर्दिया, प्युठान, रोल्पा, रुकुम र बाँकेमा यो चक्की वितरण गरिनेछ । कहिलेदेखि वितरण गर्नेबारे गृहकार्य भइरहेको उँहाले बताउनुभयो ।

 

छिमेकी देशहरू भारत, पाकिस्तान र बंगलादेशले गर्भवती र सुत्केरीलाई सूक्ष्म पोषक तत्त्व उपलब्ध गराउँदै आएको छ । यसका लागि गर्भ जाँचका लागि स्वास्थ्य संस्थामा पुगेको हुनु पर्नेछ । यो चक्की मधुमेह, पोलिसिस्टिक, डिम्बाशयमा समस्या भएका, थाइराइड, मिर्गौला, उच्च रक्तअल्पता र उच्च जोखिमयुक्त गर्भावस्था भएका महिलालाई दिन नमिल्ने बताउनु भयो ।

 

सूक्ष्म पोषक तत्वयुक्त चक्कीमा भिटामिन–ए, भिटामिन–बी १२, भिटामिन– डी ३, भिटामिन–सी, भिटामिन–बी १, भिटामिन–बी २, भिटामिन–बी ३, भिटामिन–बी ६, भिटामिन–ई, फोलिक एसिड, आइरन, जिंक, कपर, आयोडिन र सेलेनियम पाइन्छ । भ्रूण विकासमा समेत सहयोग पु¥याउने यो चक्कीले समय नपुगी बच्चा जन्मिने, गर्भमा शिशुको मृत्यु हुने र नवजात शिशु मृत्युको जोखिम पनि कम हुने बताउनुभएको छ ।

प्रतिकृया दिनुहोस

डेंगु सङ्क्रमण बढ्न नदिनतर्फ सचेत रहन मन्त्रालयको आग्रह

काठमाण्डौ । स्वास्थ्य तथा जनसङ्ख्या मन्त्रालयले यस वर्ष डेंगु बढ्न सक्ने भएकाले सचेत रहन सबैमा आग्रह गरेको छ । स्वास्थ्य तथा जनसङ्ख्या मन्त्रालयका

त्रिभुवन विश्वविद्यालयको जग्गा खोजबिन समितिले काम शुरु गर्‍याे

काठमाण्डाै । त्रिभुवन विश्वविद्यालय (त्रिवि) को जग्गा तथा सम्पत्ति खोजबिन समितिले काम शुरु गरेको छ । समितिले सिंहदरबारमा रहेको शिक्षा, विज्ञान तथा

एसईईको नतिजा अर्को हप्ताभित्र सार्वजनिक हुने

काठमाण्डौ ।  यस वर्षको माध्यमिक शिक्षा परीक्षा (एसइई) को नतिजा अर्को हप्ताभित्र सार्वजनिक हुने भएको छ । अहिले नतिजा प्रकाशनअघिको तयारी भइरहेको र