सुनको भाउ आज ३ सय रुपैयाँले बढ्यो

संवाद अनलाइन
२९ मङ्सिर, २०८०

काठमाण्डौ । सुनचाँदीको भाउ आज पनि बढेको छ ।

हिजो तोलामा एकैदिन २ हजार ८ सय रुपैयाँले बढेको सुनको भाउ आज फेरि ३ सय रुपैयाँले बढेको नेपाल सुन चाँदी व्यवसायी महासङ्घले जनाएको छ । महासङ्घका अनुसार सुनको भाउ आज तोलामा १ लाख १९ हजार १ सय रुपैयाँ छ । हिजो तोलाको एक लाख १८ हजार ८ सय रुपैयाँ थियो ।

गएको १८ गते सोमवार सुन अहिलेसम्मकै महँगो तोलामा एक लाख २१ हजार ६ सय रुपैयाँमा पुगेको थियो । यस्तै, आज चाँदी पनि तोलामा १५ रुपैयाँले बढेर एक हजार ४ सय ७० रुपैयाँमा कारोबार भइरहेको महासङ्घले जनाएको छ ।